tournoy

Tournoy, m. acut. Est un combat courtois et de plaisir que deux ou plusieurs bandes d'hommes en armes soit à pied soit à cheval, mespartis en tenans et assaillans font en camp clos de lisses et barrieres, soubs certaines specifications des venuës, coups et armes qu'ils y doivent accomplir, donner et porter; qu'on nomme aussi Tournoyement, parce peut estre, que accomplissant par les assaillans leurs venuës, tant eux que les tenans, pour prendre leur advantage virent et tournent çà et là dans lesdictes lisses, comme Virgile le descrit au 5. de l'Aeneide. Matthaeus Westmonstariensis le Latinise Hastiludium (à l'analogie de Praeludium) disant au second livre de son Flores Historiarum: Factum est hastiludium, quod Tabula rotunda vocatur, vbi periit strenuissimus miles Herualdus de Munteinni. Et Tritemius in chronicis monasterij Hirsaugiensis, le rend par Sociale hastiludium, vterque nouo vocabulo, Armatorum agminum tum equestrium tum pedestrium ludicra ac iocularis decertatio, Hoplomachia ludicra, Pugnae simulacrum sub armis. Virgil. 5. AEneid. Equitum, et peditum, armatorum lusorium certamen. Jean le Maire au 1. livr. de ses Illustrations va mettant pesle mesle ces mots, Tournoy, Esbanoy, Tournoyement, Esbanoyement, Behour, Pas, Combat et Joustes. Mais si ont ils diverses raisons de leur imposition, estants les autres tous especes de ce genre, Combat de plaisir et courtois. Et dit que le fameux tournoy, fait devant Troye aux nopces de Ilione fille au Roy Priam, dont le Behourt fut des enfans d'honneur, a esté l'introduction des joustes et tournois, desquels on use à present és Cours des grands Princes Occidentaux, ce qui porte faveur à l'opinion de Bude, estimant que de ces deux Latins Troiana agmina, a esté fait celuy corrompu Torneamina. Virgile au 5. de l'Aeneide, le dit bien ainsi, Hunc morem cursus, atque haec certamina primus Ascanius, longam muris quum cingeret Albam, Rettulit, et priscos docuit celebrare Latinos. Et, Albani docuere suos, Hinc maxima porro, Accepit Roma, et patrium seruauit honorem. Troiaque nunc pueri troianum dicitur agmen. Et Suetone In Iulio C. cap. 39. Troiam lusit turma duplex, maiorum minorumque puerorum, et in Octauio cap. 43. sed et Troiae ludum edidit frequentissime, magnorum minorumque puerorum delectu, prisci decorique moris existimans, clarae stirpis indolem sic notescere. Mais rien de tout cela ne me persuade que le mot Tournoy soit venu de Troiana agmina, quoy que nos Tournois rapportent en beaucoup de choses à ce jeu ancien appelé Troia par les Romains, et frequenté par eux, que Virgile descrit à plein audit cinquiesme livre.

Thresor de la langue françoyse. Jean Nicot.